يقدم كل ما يختص به منهج اجتماعيات اول ثانوي و تاريخ علوم انسانيه للصف الثاني ثانوي من معارف و ملخصات و خرائط و تقرير و ابحاث
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر
 

 المذاهب ( الاورتودوكسيه و الكاتوليكيه و البروتيستانتيه )

اذهب الى الأسفل 
كاتب الموضوعرسالة
سارة الشمراني



عدد المساهمات : 58
تاريخ التسجيل : 28/01/2013

المذاهب ( الاورتودوكسيه و الكاتوليكيه و البروتيستانتيه ) Empty
مُساهمةموضوع: المذاهب ( الاورتودوكسيه و الكاتوليكيه و البروتيستانتيه )   المذاهب ( الاورتودوكسيه و الكاتوليكيه و البروتيستانتيه ) Emptyالإثنين أبريل 29, 2013 2:13 am



مسيحيه

المذاهب ( الاورتودوكسيه و الكاتوليكيه و البروتيستانتيه ) 114831687

المذاهب ( الاورتودوكسيه و الكاتوليكيه و البروتيستانتيه ) 321338718


معنى كلمة مسيحيه

كلمه "مسيحيه" جايه من كلمة " مسيح " ، و بيختلف الاسم حسب اللغه، فى الانجليزى مثلاً الكلمه هى " كريستيانيتى Christianity " من كلمة " كرايست Christ ".

_______________________________________________

المسيحيه نسبه للمسيح هى دين توحيدى متأسس على حياة و تعاليم يسوع (عيسى فى الإسلام) اللى بيعتقدوا انها اتذكرت فى كتاب العهد الجديد(الانجيل). المسيحيين (أتباع المسيحيه) بيؤمنوا بصفه عامه بأربع اناجيل بس و فيه اناجيل عادة ما بيعترفوش بيها زى انجيل يهوذا و انجيل توماس و انجيل برنابا ، و بيؤمنو بان يسوع هو ابن الرب الوحيد وانه هو المسيح اللى اتنبئت بيه التوراه (كتاب العهد القديم) لكن اليهود ما بيأمنوش بيه و بيعتبروه مزيف.

المسيحيين بيؤمنوا بإن يسوع المسيح هو الاستاذ و المثل الاعلى فى الحياه اللى بيسودها الخير.يسوع حسب اعتقادهم هو الله ظهر في شكل إنسان وهو الاقنوم الثاني من التلات اقانيم اللي مع بعض يكونوا اله واحد وده بحسب اعتقادهم يخلي يسوع اله كامل(لاهوت) وفي نفس الوقت إنسان كامل(ناسوت) ، وكمان بيؤمنوا أن يسوع اتولد من العذراء مريم بطريقة إعجازية. وخلال حياته على الارض عمل معجزات وعجايب كتير و فى نفس الوقت بيعتبروه تجسيد للرب و انه المخلص اللى اتعذب و مات و بعدين قام من تانى في تالت يوم عشان يخلص البشريه من الخطيئه الأولى (اكل أدم للتفاحه و عصيانه امر الله).المسيحيين بيعتقدو ان يسوع طلع لملكوت السما متحد مع الله الآب، لكنه بعت الروح القدس (ثالث الأقانيم الإلهية) عشان يساعد الناس انهم يمشوا في الصراط المستقيم و انه حا يرجع تانى للارض عشان يحاسب الناس (حيين و ميتين) و انه حايحاسب كل واحد على حسب أعماله في الدنيا.

المسيحيه بتتصنف على انها ديانه ابراهيميه (زى الاسلام و اليهوديه) و دلوقتى عدد اتباعها اللى أغلبهم كاتوليك تابعين لبابا الفاتيكان وصل لأكتر من 2 بليون بنى ادم بيمثلو حوالى تلت عدد سكان العالم .

المسيحيه اول ما ابتدت كانت فى حدود طايفه يهوديه فى شرق البحر المتوسط وكان الحوض الشرقي للبحر الأبيض المتوسط هو المكان الرئيسي للمسيحية في القرون الأولى وفضلت القدس، أنطاكية، الرها، والإسكندرية عواصم الثقافة المسيحية قبل ما تتنقل النفوذ والتأثير لروما والقسطنطينية في القرون الوسطى. عانت المسيحية في البدايات من اضطهاد الإمبراطورية الرومانية لكنها من القرن الرابع بقت هي دين الإمبراطورية وكسبت ثقافة يونانية ورومانية أثرت فيها تأثير عميق؛ وزي أي ديانة تانية، ظهرت في المسيحية طوائف كتير والكنائس بتتصنف في ستة عيلات كبيرة: اتزامنت الانشقاقات الأولانيه مع القرن الرابع لما انفصلت الكنائس الأرثوذكسية الشرقية عن الأرثوذكسية القديمة، وبعدين في سنه 1054 الانشقاق الكبير بين الكاثوليكية والأرثوذكسية الشرقية وبعدين البروتستانتية خلال القرن الستاشر اللي اتعرف باسم عصر الإصلاح وزي ما اتأثرت، أثرت المسيحية في الديانات التانية ، وليها بصمة واضحة في الحضارة الحديثة وتاريخ البشرية في المجالات المختلفه.



الكتب المقدسه

المسيحيين بيؤمنوا بكتاب اسمه العهد الجديد بيتكون من اربع كتب بيسموها اناجيل و بيقروا معاها شوية اضافات زى الرؤى و رسايل بولس و كتاب العهد القديم اللى من ضمنه التوراه. الأناجيل الأربعه دول اسمهم انجيل متى، و انجيل مرقس، و انجيل لوقا، و انجيل يوحنا. فيه اناجيل تانيه مش متداوله بين المسيحيين و بوجه عام كنايسهم بتداريها و ما بيأمنوش بيها منها انجيل يهوذا و انجيل توماس و انجيل برنابا و غيرها. المورمونيين اللى بيعتبروا طايفه مسيحيه عندهم انجيل اسمه " كتاب مورمون. " تفسير الاناجيل بيتم حسب المذهب و فيه مذاهب أصوليه زى البيوريتانيه و طوايف من المعمدانيين الانجيليين بيؤمنوا بس باللى جه فى العهد الجديد و القديم من غير اضافات خارجيه.

مكان العباده

مكان العباده بتاع المسيحيين اسمه كنيسه لكن المسيحى ممكن يصلى فى البيت أو فى أى مكان. معظم الكنايس ليها برج متعلق فيه جرس. الصلاه الرئيسيه عندهم عادة يوم الحد. المسيحيين مالهمش قبله يتوجهوا ليها وقت الصلا و ما عندهمش طقوس معينه قبل الصلا زى الغسيل مثلاً و ممكن يصلوا بالجزمه سواء فى البيت أو الكنيسه. فى العصور الوسطى فى اوروبا كان فيه ضريبه اجباريه بتتدفع للكنايس اسمها " العشور " ( 10% من دخل المسيحى ) الضريبه دى ما بقتش مفروضه فى اوروبا دلوقتى.

عقيدة التثليث

عقيدة التثليث بتعتبر من أساسيات المسيحيه. وبتقول إن الله واحد ليه تلات اقانيم (صفات أو صور). صورة الاب اللي ظهر في كلامه مع ابراهيم وموسى وغيرهم من الأنبياء اللي جم قبل يسوع. و صورة الإبن اللي ظهر في شخص يسوع المسيح. وصورة الروح القدس اللي ظهر في شكل روح مرشد بيساعد الناس في معرفة الصح وكمان كان بيساعد زمان في التبشير بالمسيحيه عن طريق إنه ساعد التلاميذ والرسل (أول ناس بشروا بالمسيحيه) في انه اداهم موهبة التكلم بلغات مايعرفوهاش و انهم يعملوا معجزات زي شفاء المرضى. علشان كده المسيحيين دايما بيبتدوا وينهوا صلاتهم بجملة : " بإسم الأب والإبن والروح القدس، الإله الواحد. امين".

حركات مختلفه و مذاهب

على مر التاريخ اتكونت تلت طوايف رئيسيه فى المسيحيه : الاورتودوكسيه و الكاتوليكيه و البروتيستانتيه و كمان ال انجيليه و غيرها، الكاتوليك هما اكتر عدد بين المسيحيين و رئيسهم بابا الفاتيكان. الطوايف و المذاهب دى بتتقسم داخلياً لطوايف و مذاهب مختلفه. اتباع كل مذهب و طايفه بيعتقدوا انهم هما الصح. عادة كانت فيه مشاكل و صراعات كبيره بين الطوايف المسيحيه و عبر التاريخ حصلت عمليات قمع و قامت حروب أهليه بينها اتقتلت فيها ناس كتيره. محاكم التفتيش اتأسست اصلاً لمحاربة المسيحيين اللى الكنيسه الكاتوليكيه اعتبرتهم مهرطقين. من اشهر الصراعات الدمويه اللى حصلت فى العصر الحديث كانت الحرب الأهليه فى ايرلاندا ما بين الكاتوليك و البروتيستانت. على عكس الكاتوليك ، البروتيستانت ماعندهمش بابا و ما عندهمش قسسه و نظامهم الكنسى بيختلف فى حاجات كتيره عن النظام الكاتوليكى. بصفه عامه بيعتبر البروتيستانت متطوريين و متماشيين مع العصر الحديث اكتر من الطوايف التانيه لكن مذهبهم متقسم على كنايس و طوايف كتيره بتختلف عن بعضها فى المفاهيم و الطقوس. معظم الأمريكان بينتموا لكنايس بروتيستانتيه. مكرم عبيد و بطرس بطرس غالى من المصريين البروتيستانت المشاهير.

اغلب المسيحيين المصريين بينتمو لكنيسه اسمها الكنيسه القبطيه الاورتودوكسيه المبنيه على تعاليم مارمرقس اللى دخل المسيحيه مصر في القرن الاول الميلادى و دى كنيسه ليها بابا لكن غير بابا الكاتوليك و بيعتبر منشق عنه. الطايفه دى اللى بتؤمن بالمونوفيزيه اعتبرتها الكنيسه الكاتوليكيه و البيزنطيه مهرطقه و خارجه عن المسيحيه بسبب خلافات عن طبيعة المسيح ادت لإنفصالها. و بتواجه الكنيسه دى مشاكل كتيره بسبب مواضيع اجتماعيه زى الجواز و الطلاق و ظهرت حركات بتطالب بتطويرها عشان تتماشى مع العصر الحديث ، و فى سنة 2006 انشق عنها الأنبا ماكسيموس و اسس كنيسه تانيه اسمها الكنيسه القبطيه الحقيقيه ( طايفة القديس أثناسيوس الرسولى ).

بلاد المسيحيه

معظم البلاد اللى اغلبية سكانها مسيحيين نظام الدوله فيها سيكولارى لكن فيه بلاد نوع من انواع المسيحيه هو ديانة الدوله و من الدول دى :
الفاتيكان : المسيحيه الكاتوليكيه الرومانيه.
النرويج : المسيحيه البروتيستانتيه ( الايفانجيليه اللوثريه - الكنيسه النرويجيه ).
الدنمارك : المسيحيه البروتيستانتيه ( اللوثريه - الكنيسه الدنماركيه .
ايسلاندا : المسيحيه البروتيستانتيه ( اللوثريه - الكنيسه الايسلانديه ).
انجلترا : المسيحيه البروتيستانتيه ( الانجليكانيه ).
الارجنتين : المسيحيه الكاتوليكيه الرومانيه.
اليونان : المسيحيه الأرتودوكسيه الشرقيه.
كوستاريكا : المسيحيه الكاتوليكيه الرومانيه.
بلاد تانيه بيعتبر نوع من المسيحيه ديانة الدوله فيها : ليختنشتاين ، مالطا ، موناكو ، قبرص ، فينلاندا ، سويسرا ، وغيرها.

*
خريطه تقريبيه لتوزيع المذاهب الرئيسيه. كاتوليك (أصفر )، بروتيستانت (زهري)، ارتودوكس (تركواز).


المذاهب ( الاورتودوكسيه و الكاتوليكيه و البروتيستانتيه ) 864386783



الكاتوليكيه


المسيحيه الكاتوليكيه هى أكبر مذهب فى المسيحيه. الكاتوليك اكتر من نص المسيحيين اللى على مذاهب تانيه. عدد الكاتوليك فى العالم أكتر من مليار. أكتر الكاتوليك بيعيشوا فى جنوب امريكا و اوروبا. زعيم الكاتوليك هو بابا الفاتيكان اللى فى نفس الوقت أسقف روما. الكاتوليكيه اتزعمت الحركات الصليبيه فى العصور الوسطى ضد المسلمين و اليهود و المسيحيين المنشقين.


البروتيستانتيه


المسيحيه البروتيستانتيه هى تانى اكبر المذاهب فى المسيحيه. الكنيسه البروتيستانتيه انشقت عن المسيحيه الكاتوليكيه بقيادة مارتن لوثر سنة 1517. البروتيستانت ما عندهمش بابا و لا قسسه و لا أيقونات. المسيحيه البروتيستانيه انفصلت عنها حركات و كنايس تانيه كتيره منها المسيحيه اللوثريه و الكالفينيه و البيرويتانيه و الادفنسنتيه و البينتيكوتالينيه و غيرها. معظم المسيحيين البروتيستانت بيعيشوا فى امريكا و اسكندنافيا. عبر التاريخ قامت نزاعات وصلت لحد نزاعات مسلحه و حروب ما بين المسيحيين البروتيستانت و المسيحيين الكاتوليك. رغم الانشقاق و التمرد اللى حصل ضد المسيحيه الكاتوليكيه شارك البروتستانت فى اضطهاد و تعذيب المفكرين و الستات فى العصور الوسطى.

الارتودوكسيه الشرقيه

بتنقسم المسيحيه الارتودوكسيه الشرقيه لعدد من الكنايس ، زى اليونانيه و الروسيه و المقدونيه و الرومانيه و الصربيه و الاوكرانيه و الالبانيه و البلغاريه و الجورجيه. معظم المسيحيين الارتودوكس الشرقيين بيعيشوا فى اليونان و روسيا و نواحيها. فى النوع ده من المسيحيه الايقونات و الصلبان و الطقوس و القديسين بيلعبوا دور كبير. الكنايس الشرقيه ليها باباوات غير بابا الفاتيكان. الكنيسه الاشوريه بتعتبر نفسها بتنتمى للمسيحيه الارتودوكسيه الشرقيه لكن الكنايس التانيه ما بتعترفش بيها و بتعتبرها كنيسه مهرطقه. الكنيسه المصريه القبطيه اتهمت هى كمان بالهرطقه و اتفصلت و اتطهدت. دير سانت كاترين فى سينا فى مصر بينتمى للطايفه دى.

*
توزيع المسيحيين الارتودوكس الشرقيين فى العالم.


المذاهب ( الاورتودوكسيه و الكاتوليكيه و البروتيستانتيه ) 523190733



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رغد الصقير

رغد الصقير

عدد المساهمات : 194
تاريخ التسجيل : 28/01/2013

المذاهب ( الاورتودوكسيه و الكاتوليكيه و البروتيستانتيه ) Empty
مُساهمةموضوع: رد: المذاهب ( الاورتودوكسيه و الكاتوليكيه و البروتيستانتيه )   المذاهب ( الاورتودوكسيه و الكاتوليكيه و البروتيستانتيه ) Emptyالجمعة مايو 03, 2013 1:33 am

موضوع جميل
شكراً
Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المذاهب ( الاورتودوكسيه و الكاتوليكيه و البروتيستانتيه )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تاريخ العالم في 48 :: مشاركات الطالبات-
انتقل الى: